Kupitia jicho langu la tatu

Unayakumbuka mafuriko ya kyela?

2008-12-11T13:07:00.001+03:00

Picha zote kwa hisani ya mdau Rashid Mkwinda

mambo ya mitandao hayo

2008-11-13T17:08:00.000+03:00

Mkazi wa jiji la Mbeya ambaye hakufahamika jina lake alikutwa na mpiga picha wetu katikati ya jiji la Mbeya barabara ya Jakaranda akiwasiliana na jamaa zake kwa kutumia simu ambayo alikuwa ameiunganisha na betri za radio,kwa mujibu wa maelezo yake ni kwamba simu yake humsumbua chaji mara kwa mara hivyo analazimika kutembea na betri ikiwa ni njia ya kumrahisishia mawasiliano (Picha na Rashid Mkwinda)

Awamu ya nne ya maendeleo kwa kasi, nguvu na ari mpya

2008-11-11T14:24:00.001+03:00

Hebu tizama hayo maji, kisha ukumbuke japo kwa uchache tu kuhusiana na zile ahadi za mheshimiwa JK, wakati wa kampeni zake. Zimefikiwa kwa asilimia ngapi? Hivi wakazi wa Mbarali hawakupewa ahadi zile? Wameonja hata harufu ya utekelezwaji wake? TAFAKARI

UPANDE WA PILI WA AWAMU HII YA MAISHA BORA KWA KILA MTANZANIA

2008-11-11T14:01:00.002+03:00

Hawa ni wakazi wa kijiji kimojawapo kati ya vingi vinavyopatikana katika wilaya ya Mbarali, mkoani Mbeya, ambao nao mwaka 2005, waliahidiwa maisha bora, kama walivyoahidiwa Watanzania wengine, na Rais wao mheshimiwa Jakaya Mrisho Kikwete. (Picha kwa hisani ya mwanaharakati Rashid Mkwinda)

Elimu yetu imekua kama vichekesho vile

2008-10-24T11:59:00.001+03:00

Elimu yetu yaani imekuwa kama vichekesho, kama michezo ya kuigiza, kama nini vile sijui....... yaani....we acha tu

Hii ndio tanznia yenye amani

2008-10-24T11:56:00.003+03:00

Kweli Tanzania yenye amani, ingali inastahili kujibunia amani yake....au mnasemaje wakubwa??

Ndio maana yake. Ujumbe si mnauona wenyewe

2008-10-23T18:13:00.002+03:00

Kijana huyu, amechoka kuwa sahihi kisiasa, na sasa anaitaka nchi yake, ambapo atakuwa sahihi kwa kuwa mkweli kiuhalisia na kwa kuzingatia hali halisi

Mtoto anapozaa watoto

2008-03-04T11:14:00.001+03:00

Msichana huyu ana bahati mbaya ya maisha yake amezaliwa miaka 14 iliyopita, mzazi wake alimtupa katika rambo, akaokotwa na wasamaria wema huko Makete mkoani Iringa na kulelewa katika kituo cha kulelea watoto yatima cha Bulongwa aliondoka na kufika katika mji mdogo wa Tunduma akiwa na umri wa miaka 13 bahati mbaya alidanganywa na mpiga debe na kumpachika mimba na kuzaa watoto mapacha,mpiga debe kamtelekeza hivi sasa anahaha mitaani akiomba msaada kwa wasamaria wema, Maskini binti huyu!!!!!!
(Picha na maelezo kwa hisani ya rashid Mkwinda)

Raia wa kigeni na bendera ya Tanzania

2008-02-29T14:46:00.003+03:00

Raia huyu wa kigeni ambaye hakuweza kutambulika Utaifa wake wala jina lake alikutwa na mpiga picha wetu akiwa amevalia bendera ya Taifa la Tanzania akijivunia amani na utulivu wa Tanzania ambayo imekuwa ikisifika nje ya mipaka na kuwafanya watu wa mataifa mengine kuvinjari bila bughudha yoyote.(Picha na Rashid Mkwinda)

Lowassa alipooooooo.................

2008-02-29T14:39:00.002+03:00

haya haya hayaaaaaaaaaaaaaaaaaa,

Soma kilichomng'oa Lowasa madarakani

2008-02-09T10:35:00.000+03:00

kwa marefu na mapana, naomba wasomaji wangu mpate fursa ya kupitia kitu kipya leo ambacho loicha ya kuwa si picha, lakini kimeleta picha mpya katika historia ya taifa la Tanzania. Namaanisha ripoti kuhusu Kashfa ya Kampuni hewa ya kuzalisha Umeme iitwayo Richmond. Ripoti hiyo iliwasilishwa katika Bunge la Jamhuri ya Muungano wa Tanzania katikati ya wiki linaloelekea ukingoni, na kusababisha kishindo kikubwa sana katika medani za siasa za Tanzania.

Najua si wote mliiona ripoti hiyo ilipokuwa ikiwasilishwa Bungeni, na si wote mliosikia, na pia si wote mmeweza kuipata. Sasa kwa wale ambao hawakubahatika kote huko, naomba muipitia kwa kubonyeza hapa.

Ni gereji au duka la vyuma chakavu?

2008-02-04T10:39:00.000+03:00

Tunduma sio tu imekuwa sehemu yenye kukera kutokana na foleni za kijinga sana ambazo zinatokana na uzembe wa maafisa wa pale mpakani. Fikiria tulikaa na maiti katika foleni kwa karibu saa mbili unusu? Lakini si hayo tu, tizama na huu uchafu unaoonekana hapo pichani ambao eti tuliambiwa sehemu hiyo ni gereji. Gereji!! hivi tunazijua gereji au tunataniana wajameni!!

Kumradhi!!!

2008-01-28T14:32:00.000+03:00

Rafiki yangu mmoja kanitumia ujumbe eti anaomba sahani hakunialika kwake wakati wa sikukuu ya X-mass, na kwakweli kwa mujibu wa picha hiyo hapo juu yaelekea alikuwa kajiandaa kweli kweli. Si unaona jinsi vyupa vilivyotapakaa kila mahali?

Ila rafiki yangu ikiwa mambo yalikuwa hivyo, hukuwa na haja ya kuona hukunitendea haki kwa kutonialika maana mambo hayo siyawezi, na hata wakati wa pasaka ulosema utanialika ikiwa mambo yatakuwa hivyo basi usihangaike maana sitokuja.

ajali...ajali...ajali!!

2008-01-21T12:41:00.000+03:00

blah blah news

2008-01-05T13:22:00.000+03:00

HERI YA MWAKA MPYA...2008

2008-01-01T02:05:00.000+03:00

Niliandika awali, siku chache sana kabla mie na wewe unayesoma hapa hatujauona, lakini midhali hivi sasa naamini tumeuona... si vibaya tukitakiana Heri ya Mwaka mpya wa 2008. Tumshukuru Mungu kwa wema aliotutende mwaka wa 2007, na kumuomba atujaze nguvu na kututia moyo kwa kila tunalofikiria kulitenda katika mwaka huu wa 2008

HERI YA MWAKA MPYA....HAPPY NEW YEAR 2008

Kitu gani kimelikumba vazi hili jamaniiiiiiii!!!!

2007-12-31T14:01:00.000+03:00

Inaniumiza kichwa na imeniumiza kwa muda mrefu sana kwakweli. sasa naomba mnisaidie. Zamani, enzi hizo, miaka hiyo, kipindi hicho, miaka hiyo ya nyuma, hili vazi analolinadi jamaa, lilikuwa vazi ambalo usingetarajia kuwa liwe namna hii. Lilikuwa vazi ambalo hata ukienda dukani kununua unasubiri watu wengine watoke ndio uagize haraka haraka kabla hajaibuka mteja mwingine akajua unanunua nini.

kufua kwake ndio usiseme. Lilikuwa linafuliwa katika eneo maalum, na kuanikwa sehemu ya kipekee (mie ilikuwa chini ya godoro, wewe je), lakini sasa mh!!!

Mambo ndio kama haya. Linapitishwa mitaani kama karanga vile. Ukikatiza kitaa ya uswahilini huko, unakuta watu wanafua hata upenuni mwa nyumba zao, achilia mbali kuanika hata kandokando ya barabara.
Ni utandawazi au ni kuwa limeanza kushuka hadhi yake!! Kitu gani hasa kimelikumba vazi hili?
Picha kwa hisani ya Mkwinda

Usishangilie kama hujauona live bwana....ohooo

2007-12-31T13:10:00.000+03:00

Aisee, kama hujauona rasmi mwaka mpya, basi usijisifu na kuanza kuupangia mipango. Jamaa waliokuwa kwenye kipanya hapo chini huenda walishaanza na kuusherehekea, lakini dereva mmoja mzembe akawakatisha maisha yao saa chache sana kabla hawajaiona 2008
Jamaa aliyekuwa akiendesha kipanya hicho alishindwa kuimudu kona unayoiona upande wa kulia mwa picha, na kilichofuatia alilivaa lori lililokuwa limesimama kando ya barabara. Lori hilo pichani chini, lilikuwa limebeba ulanzi (Maggid nadhani anaielewa vizuri hii kitu), na miongoni mwa raia wanne waliopoteza maisha katika ajali hiyo, wapo waliokuwa wakikinga pombe hiyo kwa ajili ya kuanza kuichuuza
Hapa chini ni mmoja wa majeruhi wa ajali hiyo, ambaye walau yeye atauona mwaka 2008, ingawa atakuwa yuko kitandani katika moja ya hospitali za jijini Mbeya.
Ajali hii ilitokea eneo la Uyole ya Kati, katika jiji la Mbeya (Picha kwa hisani ya Rashid Mkwinda)

Mikakati miiiiiingi, ajali nazo nyiiiiiingi... kwanini...Why!!

2007-12-31T12:15:00.000+03:00

Mikutano ya kuhamasisha masuala ya usalama ukiwemo wa barabarani imekuwa ikiitishwa mara kwa mara katika miaka ya karibuni ili kujitahidi kuepukana na ongezeko la ajali hizi. Kama hapa ambapo kamanda wa polisi mkoani Mbeya Bw. Suleiman Kova, alipokuwa akiongea na wananchi wa mji mdogo wa Tunduma

Kizuri zaidi ni kuwa mikutano ya namna hii imekuwa ikigharimu fedha nyingi sana kuiitisha ikiwa ni pamoja na kuweka mambo ya burudani kusudi watu wahamasike kujitokeza na kusikiliza neno hilo la uzima

Cha ajabu sasa ni kuwa kwa kadiri juhidi hizo zinafanyika, ndivyo ambavyo ajali nazo zimekuwa zikiongezeka. Tatizo niniiiiiiiiiiiiiiiiiiiiiiiii!!!! eeh wanaume....why??

Kwa pamoja tutaushinda!!

2007-12-31T12:06:00.000+03:00

Pichani ni mwandishi wa habari Bi. Pendo Fundisha, (huyo mwenye fulana nyeupe) aliyeamua kuchukua jukumu la kukaa na mabinti ambao sikufanikiwa kuyapata majina yao kwa haraka, na kuwaelimisha mambo mbalimbali kuhusiana na suala au kampeni za Upimaji kwa Hiari, athari za kujiingiza kwenye mapenzi ya utotoni sanjari na matumizi sahihi ya Condoms..... Tukijitambua kuwa kila mmoja ana wajibu wa kuelimisha asiyejua, ni wazi kuwa tutaushinda UKIMWI kwa pamoja..... Ndaga fiji mwanawane...keep it up!!!

katikati ya jiji....mbele ya bango la celtel

2007-12-31T11:58:00.000+03:00

panapendeza eeeh wajameni...au sio

Hapa sio tu kuwa ni ndani, bali katikati ya jiji la Mbeya. Wanaoijua ile zahanati ya wagonjwa wa upungufu wa pombe mwilini inayojulikana kwa jina la Elite 2000 Grocery, bilashaka wanajua hapa ni wapi. Unaona lakini!! jamaa wamepaka rangi jengo hilo la jirani na dampo, jengo linapendeza sana tu. lakini kando kuna uozo.........

Tunduma...wenyewe hamuoni au mnasubiri muda wenu?

2007-12-31T10:52:00.000+03:00

Mji wa Tunduma ni mji maarufu sana nchini, uko mpakani mwa Tanzania na Zambia na kwa hakika ni mji ambao uko busy kupita maelezo, unaweza kuona picha hapa uone jinsi ambavyo pilika pilika ziko nyingi katika eneo hilo Wingi wa watu, magari, majengo na rabsha zingine za kimjini, ni iongoni mwa mambo ambayo katika mazingira ya kawaida, ungetarajia yawaamshe wale wanaohusika na usimamizi wa mji huo, kusudi waandae plani nzuri ya kuuimarisha na kuuboresha....lakini jamaa wako kimya.
Pilika pilika zinazidi kuongezeka siku hadi siku, lakini hakuna mkakati wa kuboresha mfumo wa mpangilio wa mji huo. Najiuliza hivi hawa jamaa wanasubiri hali iwe mbaya ndio waanze kuwabomolea watu au?

Picha kwa hisani ya Rashid Mkwinda

Heri ya Mwaka Mpya

2007-12-30T10:52:00.000+03:00

Mvua....Ajali

2007-12-11T11:14:00.000+03:00

Licha ya kuwa mvua ni neema, madereva wa magari mbalimbali hasa wale wazembe wazembe huwa hawazipendi maana zinawatoa nishai daima.

Pichani ni daladala linalofanya safari zake baina ya Soko Matola na Mbalizi, mjini Mbeya, likiwa limepinduka baada kumshinda dereva kutokana na utelezi wa barabarani

Hebu fanya hivi......

2007-12-07T12:24:00.000+03:00

Tazama hiyo picha uzuri, nadhani wengi mtakuwa mnakumbuka kuwa yalikuwa yale mabango ambayo yalisambazwa enzi za kampeni, wakati JK anawania kuingia magogoni pale. Sasa hebu fanya hivi, angalia uzuri ile kauli mbiu ya jamaa, kisha chukua herufi moja ya kwanza kabisa katika ule mstari wa kwanza ambayo ni A. Baada ya hapo chukua herufi tatu za mwanzo katika mstari wa pili ambazo ni NGU, halafu chukua herufi mbili tu za mwanzo katika mstari wa tatu ambazo ni KA.

Ukiziunganisha unapata neno gani mwanawane? Na je, zinaleta maana kwa kuangalia uhalisia wa hali ilivyo sasa au ni uzushi wangu tu? Tuko katika mwelekeo wa kauli mbiu hiyo au tuko katika mwelekeo wa kifupisho cha kaulimbiu hiyo?

Maggid, Ndesanjo, Jeff...nani alidensi NK?

2007-12-07T12:13:00.000+03:00

Sijui nani ambaye enzi zake aliwahi kuserebuka katika jumba la NK lililoko maeneo ya Jamatini, mjini Dodoma. Sikuwa mpenzi sana wa dansi (kwakuwa miziki mingi ya enzi zile ilibidi mtu uwe una utaalamu wa yoga), lakini mara moja moja nilikuwa mtazamaji. Jumba hilo bado linadunda hadi leo, ila sasa kila ukikatiza hapo ni huu muziki wa kizazi kipya. Mliowahi kucheza dansi hapo mlie tu, zama zenu zimeondoka na nyie

Ila jengo hili la CCM makao makuu lingali linadunda bwana. Hapa ndipo yalipo makao makuu ya Chama kinachoshikilia utamu wa nchi hii............. aluuuu....we acha tu

Ndoto inataka kuwa kweli?

2007-12-07T12:05:00.000+03:00

Jitihada za kuuboresha mji wa Dodoma katika miaka ya karibuni zimekuwa kubwa sana. Au wakubwa baada ya longolongo za muda mrefu bado wana ile ndoto ya kuhamishia makao makuu katika mji huo? Pichani ni sehemu ambayo zamaaaaaaani sana ilikuwa na soko likabomolewa na sasa watengeneza bustani, au tuseme sehemu ya kupungia upepo na ina mnara wa hayati Baba wa Taifa, Mwl JKN.

Picha ya chini, ni moja ya mabango yanayoupendezesha mji huo, kama nilivyokumbana nalo katika sehemu hiyo hiyo ya kupumzikia, al maarufu kwa jina la Nyerere Square. Hivi tunamuenzi kweli lakini?

Hivi tulilaaniwa na nani?

2007-12-07T12:01:00.000+03:00

Tuna ardhi kubwa isiyo na ukomo, sehemu kubwa inafaa kwa kilimo na isiyofaa kama inayoonekana pichani ni ile ambayo inaweza kutumika kwa ajili ya kuvuta watalii. Hivi kwanini tunaendelea kuwa masikini kweli?

Tafakari

2007-12-07T11:57:00.001+03:00

Unaweza kujua kijana huyu, niliyemnasa nje kidogo ya mji wa Morogoro akichuuza matunda kwa abiria wanaosimama eneo hilo kwa ajili ya kuchimba dawa, anajiuliza au kuwaza nini kichwani mwake?

Tiba za asili

2007-12-07T11:48:00.001+03:00

Kuna maswali kadhaa najiuliza kuhusu hawa jamaa zetu. Ni kweli kuwa wanaume wamekuwa na shida sana ya kuongeza nguvu zao? Maana kila kona ukipita ni dawa za kuongeza nguvu za kiume? Kuna tatizo gani hasa hapo?

Paparazi

2007-12-05T12:29:00.000+03:00

Pichani ni mwandishi Rashid Mkwinda, akiongea na mmoja wa walemavu walioko katika mji wa Dodoma, kuhusiana na anavyoendesha maisha yake. Mlemavu huyo wa miguu na mikono anasema 'anatembea' zaidi ya kilomita 4 kila siku kufika mjini kusudi aombe wasamaria wampatie chochote kwa ajili ya kuendesha maisha yake. Hivi tuna mpango mkakati wa kuwasaidia walemavu wa aina hii hapa nchini?

wamasai wana kazi nyingi sana

2007-12-05T12:16:00.000+03:00

Walioko nyumbani kazi yao kubwa ni ufugaji, walioanza kukimbilia mijini walianza kwa kazi za ulinzi, kisha wakaja na mbinu ya kuuza dawa za asili ambazo wanasema huzifuata huko umasaini, sasa wako ambao ni wataalamu wa kusuka.

Pichani ni vijana wawili wa kimasai wakiwa wanamsuka dada mmoja aliyejitambulisha kwa jina la Farida katika eneo la Jamatini mjini Dodoma. Umeniona hapo nilivyopozi na kikombe cha kahawa? kalagabaho, kahawa ina utamu wake bwana.

Mnapunguza au kuunda ajali

2007-12-05T11:01:00.000+03:00

Hivi askari hawa wa usalama barabarani wanapoamua, tena kwa makusudi kabisa kufanyia kazi zao za nanihii...(mnaelewa bwana), katika sehemu ambayo barabara ni finyu wanamaanisha nini? Njia yenyewe inakuwa ni nyembamba, ninyi mnasimamisha magari huku na kule, yale mnayoyaruhusu mnataka yapitie wapi sasa. Vichwani mwenu au?

Tumieni akili bwana. tafuteni sehemu ambako barabara inakuwa na upana wa kutosha ndio msimamishe magari kwa staili kama hiyo ya kwenye picha.

Utamu wa Maisha

2007-12-05T10:43:00.000+03:00

hapa ni kando kando ya barabara itokayo Irina kuelekea Morogoro na kuendelea. Ni umbali kidogo sana toka eneo la Ipogoro. Vijana hawa walinikumbusha maisha nilokuwa naishi kwa bibi. Kuoga mtoni bwana kuna raha yake asikwambie mtu

Wanameremeta jamani, au sio?

2007-12-05T10:31:00.000+03:00

Bloga, Rashid Mkwinda (Mzee wa Fasihi za Ufasaha), siku alipoamua kufanya mambo kwa ufasaha kwa kujivutia jiko lake saaaaaaaafi kabisa. Ndoa ina raha zake bwana, si unamwona bi harusi akinyonya kidole kuashiria karidhiiiiiiiiiiiiiiiiiiiiiiiiika!!!

Mungu awabariki jamani

Maisha bora kwa kila Mtanzania?

2007-12-05T09:59:00.000+03:00

Huyu Mtanzania anapatikana sehemu fulani karibu na Iringa, kando kando ya barabara kuu ya kuelekea jijini Dar es salaam. Naye anaota na kusikia ngonjera za maisha bora kwa kila Mtanzania ati.

taifa la Kesho

2007-12-05T09:47:00.000+03:00

Huenda baada ya wazee kuona kuwa uongozi ni mtamu sana na hawawezi kuuachia, wameona njia iliyobora sana ni kuandaa taifa la kesho la wafanyibiashara, ndio maana watoto hawawezeshwi kwenda mashuleni badala yake wanafanya kama unaowaona pichani

Paparazi kazini

2007-12-05T09:30:00.000+03:00

Kamanda wa Polisi mkoani Mbeya, Suleiman Kova (mwenye suti kushoto), akiwa amezungukwa na kundi la waandishi wa habari katika moja ya matukio ya ajali za barabarani zilizotokea mkoani Mbeya

Kina Kayumba?

2007-12-05T08:57:00.000+03:00

Vijana hawa niliwanasa eneo la Gairo, mkoani Morogoro. Walikuwa wakichuuza mayai, karanga, biskuti na bidhaa zingine za kutafuna tafuna kwa abiria wanaopita sehemu hiyo kuelekea Dodoma na Morogoro. Unalikumbuka Tangazo la yule dogo Kayumba? Hawa ni ndigi zake au?

Buriani mheshimiwa Salome Mbatia

2007-10-26T03:57:00.000+03:00

Umetangulia wewe, sisi tutafuatia. Upumzike kwa amani

Ama!! Tuiite nini? Dhihaka, kejeli, dharau, kutojua hesabu, kusoma au....

2007-10-09T12:52:00.000+03:00

Tizama hiyo picha, tizama hiyo hundi anayokabidhiwa JK, tizama kiasi cha pesa kilichoandikwa katika hundi hiyo. Hebu kitizame tena kiasi kilichoandikwa kwenye hundi hiyo, kile kilichoandikwa kwa maneno, na kile kilichoandikwa kwa tarakimu. Ama!! Hivi "two hundred thousand" ni sawa na 300,000,= kweli? JK, hivi uliliona hilo lakini? sio changa la macho hilo? hapana, kuna walakini hapa!!

Picha hii ni kwa hisani ya mtandao wa gazeti la Majira, na maelezo ya picha hiyo katika gazeti la majira la leo, sanjari na kule kwenye mtandao nilipokutana nayo yalikuwa haya yafuatayo:-

RAIS Jakaya Kikwete akipokea mfano wa hundi yenye thamani ya Dola za Marekani 300,000 sawa na zaidi ya Shilingi za Tanzania Milioni 400 kutoka kwa Mkurugenzi Mkazi wa Benki ya Dunia (WB) kwa nchi ya Tanzania na Uganda Bw, John McIntire Dar es Salaam jana. (Picha na Rajabu Mhamila)

Uchomaji au Usambazaji taka?

2007-09-27T17:29:00.000+03:00

Uchomaji taka usiozingatia misingi ya utunzaji mazingira umekuwa chanzo cha maradhi mengi mitaani mwetu ingawa wataalamu wetu wanalifumbia macho

Uchafuzi wa mazingira

2007-09-15T12:56:00.000+03:00

Wanaotupa taka mahali hapa ni hao hao ambao wanatumia maji haya kwa shughuli fulani fulani ingawa wao wenyewe wanaweza kupinga sana tu. Ni kama tunajitengenezea sumu sisi wenyewe, sasa tutafika kwa mtindo huu kweli. Mto unakuwa dampo??

Wanatengeneza kazi hapo

2007-09-15T12:51:00.000+03:00

Watu wa Mipango miji daima wamekuwa ni watu ambao plani zao ni za ajabu sana. Hivi sasa bomoa bomoa zinaendelea karibu kila kona ya Tanzania, sababu tu huwa hawako tayari kufanya kazi zao katika nyakati muafaka. Pichani ni sehemu ya mtaa fulani ndani ya jiji la Mbeya, ambako nyumba zinaibuka kama uyoga. Eneo hilo halina hata kichochoro cha kupita kwa baiskeli, achilia mbali barabara kwa ajili ya zimamoto au gari la wagonjwa

Mjini kweli Shule

2007-09-15T12:42:00.000+03:00

Mjini bwana ni shule kweli kweli, na wengine husema mjini ni kuzuri, ndugu zangu warangi kule Kondoa, husema mjini kumware, kama huamini peleka hii biashara maeneo ya vijijini uone kama hujafa njaa

Ni sawa lakini mbona.........

2007-09-14T13:50:00.000+03:00

Hapa ni katikati ya Jiji la Mbeya. Uhamasishaji wa namna hii ni wa maana sana na ni wa kawaida kabisa maeneo ya mijini. Hivi kule kwetu Usangi yapo mabango kama haya? Kule Kirongaya kule yapo haya? Chunya huko makongolosi, Mkwajuni, yapo haya mabango na huduma hizo?

Baada ya kuungua Mwanjelwa

2007-09-14T13:31:00.000+03:00

Ndio hali ilivyo katika soko la Sido, ambalo linatumiwa hivi sasa na wafanyibiashara waliokuwa wakitumia soko lililoungua la Mwanjelwa.

Unauliza kuhusu Meza na kushangaa?? Ukiambiwa kuwa hata vyoo ni mgogoro katika eneo hilo si utazimika sasa?

Sijui kama JK anasoma Blogi

2007-09-14T13:26:00.001+03:00

Maana najua angeupata ujumbe huu uliokuwa umeelekezwa kwake, na ambao nilikutana nao mahali ambapo yeye hakuwepo.

Siku moja kabla Msumbiji hawajatufanyia

2007-09-14T13:13:00.000+03:00

Picha kubwa ni gari lililokuwa limefungwa Bendera ya taifa ya Tanzania, kuonyesha Uzalendo kwa timu yetu ya taifa. Picha ndigo ni mheshimiwa mmoja naye alikutwa na kakamera kangu akiwa maeneo fulani fulani hivi na fulana yake yenye jina la Robinho (wa Real Madrid).

Zote hizo ilikuwa ni siku moja kabla Msumbiji hawajatufanyia mambo tukiwa nyumbani kwetu, tena kwenye kauwanja ketu kapya

Unadhani hii inaweza kuwa The Oppositions' Dream Team?

2007-09-14T13:04:00.000+03:00

Kuna Zittohapo, Kuna Mbowe, kuna Mzee wa Kiraracha hapo, yupo naaaaa...............

Maximo na Tinoco; safari ya Sauz' huanzia huku

2007-09-14T12:56:00.000+03:00

Sio wabunge tu wenye kutafakari, hata Askari wetu pia

2007-09-14T12:42:00.000+03:00

Hapa ilikuwa siku ya mkutano wa hadhara wa Mtaalamu wa Fitna za kisiasa kwa kutumia njia ya anga, Bw. Mbowe, alipokuwa jijini Mbeya. Ilikuwa katika viwanja vya CCM Ilomba

Wajasiriamali wetu

2007-09-09T11:17:00.000+03:00

Sijui hawa nao walikuwa kwenye ule mgao wa yale mabilioni ya JK au vipi. He!! Ananibonyeza mtu hapa anasema labda niulize kuwa walikuwa wanajua kuwa Serikali yao imewatengea mamilioni kwa ajili ya kujikwamua kichumi!!

Hiki kizazi chetu hiki!!

2007-09-09T11:05:00.000+03:00

Hivi huyu anajua maana ya yaliyoandikwa kwenye fulana aliyoivaa au?

Oparesheni Anga ya Mbowe ndani ya Mbeya

2007-09-09T09:51:00.000+03:00

Picha za matukio mbalimbali yaliyojiri wakati wa ziara ya kamanda Mkuu wa Oparesheni ya kisiasa ya Anga, Bw. Freeman Mbowe, alipotembelea jiji la Mbeya.

hapa anawasili

Binafsi nadhani aliamua akashuhudie baada ya Bunge kukataa kuunda kamati

Asasi za kupambana au kuchochea umasikini

2007-09-08T16:22:00.000+03:00

Hawa wao wamekuja na kaulimbiu yao kama unavyoiona.
more than just credit

Hivi zaidi ya mkopo unajua ni nini? Kufilisiwa maana umeshindwa kulipa deni la watu la mkopo wa kuuzia maandazi...

Hizi ajali ni mpaka lini jamani?

2007-09-08T14:56:00.000+03:00

Ni chini ya miezi miwili toka basi la SABCO lilipochinja raia 12, . katika ajali iliyotokea eneo la Inyala wilayani Mbeya Vijijini Mkoani Mbeya. Wakati bado machungu hayo hayajapona, leo hii limegongana na lori lilokuwa limebeba mawe uso kwa uso na kisha kupinduka. Unajua roho ngapi zimepotea?? This time ni 27, hadi napanda mtamboni. 23 walikatika papo hapo na wengine wanne wakikimbizwa Chimala Mission Hospital

Dola 5000 kwa pafu moja tu!!

2007-09-07T10:05:00.000+03:00

Faini ya dola alfu tano!! Kwa kuvuta sigara tu!, haya bwana, jicho langu la tatu lilikutana na tangazo hilo ndani ya kipanya fulani nilichokuwa nimekipanda nikielekea katika mji mdogo wa Tunduma.

Hivi tatizo ni uvuitaji sigara au kilimo cha Tumbaku?

Mapambano dhidi ya kuenea kwa VVU

2007-09-07T09:53:00.000+03:00

Jicho langu la tatu liliwakuta jamaa hawa wakiwa wanakatisha mbele ya ukuta wenye ujumbe mnaouona hapo, wakiwa wanajitahidi sana kutokugeusa hata nyuso zao kuusoma, nikajiuliza

Hivi hawa ambao hata kuugeukia huo ukuta wakasoma kile kilichoandikwa hapo inawawia shida, kweli wanaweza kuifanya hiyo sehemu kwa salama??

Mapambano ya rushwa Zambia

2007-09-06T12:07:00.000+03:00

Pichani, ni bango ambalo nilikumbana nalo katika mitaa fulani fulani ya Jimbo la Nakonde nchini Zambia. Lilinionyesha ni kwa kiasi gani watu wanakerwa na rushwa duniani kote naamini, lakini kwanini ingali inaendelea??